نمایندەی زردشتیان لە عێراق بەشداری لە کەمپی "پەروەردەی گفتوگۆ و ناسینی ئەوی دیکە" کرد، کە لەلایەن دامەزراوەی مساراتەوە بەڕێوەچوو، بە بەشداریی فراوانی لاوانی ئایین و پێکھاتە جیاوازەکان.

شاندێکی لاوان لە نمایندەی زردشتیان - نووسینگەی سەرەکی، کە پێکھاتبوو لە نمایندەی ئایینی ئێزدی، مسیحی، صابئ مندائی، جگە لە چالاکانی مەدەنی لە قومیت و نەتەوە جیاوازەکان و تیمێک لە ڕێکخراوەکانی کۆمەڵگەی مەدەنی.

بەرنامەی کەمپەکە، سەردانی شاری کازمییەی پیرۆز لە ٢٦ی نیسان، کە بەشداربووان ئاشنای بە گرنگترین شوێنە ئایینی و مێژووییەکانی شارەکە بوون، هەروەها کۆبوونەوەیەک بە گفتوگۆی کراوە لەگەڵ مەرجعی ئایینی سەید حسین صدر، کە تێیدا گرنگی گفتوگۆ لە نێوان ئایینەکان بۆ دروستکردنی ئاشتی کۆمەڵایەتی باسکرا.

هەروەها بەشداربووان سەردانی دامەزراوەی گفتوگۆی مرۆییان کرد، و لەگەڵ سەید علاء البهادلی کۆبوونەوەی گفتوگۆییان ئەنجامدا، کە تێیدا چەمکی پێکژیانی و جۆربەیی باسکرا.

ئەم بەشدارییە لە چوارچێوەی هەوڵەکانی نمایندەیی زردشتیانە بۆ بەرزکردنەوەی کولتووری گفتوگۆ لە نێوان پێکھاتەکانی عێراق، و دروستکردنی پردی پەیوەندی لە نێوان لاوانی جیاواز لە پاشخانی ئایینی و کولتووری.