د. حەیدەر ئەسفەر، سەرۆکی نوێنەرایەتی زەردەشتییەکان، بەشداری لە یەکەمین کۆبوونەوەی نێودەوڵەتی سەرکردە ڕۆحییەکان و کەسایەتییە ئایینییەکان و کۆمەڵگا کرد لەژێر ناونیشانی ((بۆ ئاشتیی دادپەروەرانە و پاراستنی بڕواداران)) کە لە ڕێگەی ئینتەرنێتەوە لە ڕووسیا بەڕێوەچوو لە ٧ی ئایاری ٢٠٢٤. لە خوارەوە دەقی وتەکانی سەرۆکی نوێنەرایەتییەکە بە زمانی کوردی بەردەستە: ((سڵاوێکی گەرم... خۆم دەناسێنم، د. حەیدەر ئەسفەر لە عێراق، سەرۆکی نوێنەرایەتی زەردەشتییەکان. لە بەغدا - وڵاتی شارستانیەت و ئایینە جۆراوجۆرەکان - پەیامێکی خۆشەویستی و ئاشتی پێشکەش دەکەم، بۆنێکی خۆشی گوڵ بە ئێوە دەبەخشم. بەڕێزان... ئایینی زەردەشتی پابەندە بە بیرکردنەوەی چاک و دادپەروەری و ئاشتییەوە. ئێمە بڕوامان وایە کە ئاشتیی دادپەروەرانە بنەمای هەموو ئەو کارانەیە کە دەیکەین)).