شاندێکی لاوان کە نوێنەرایەتی ئاین و نەتەوە جیاوازەکانی پارێزگای نەینەوا دەکەن، سەردانی نوێنەرایەتی زەردەشتییەکانیان کرد لە پایتەختی بەغدا بۆ بەهێزکردنی پەیوەندییەکان و ئاشنا بوون بە کولتوورە کۆمەڵایەتی و ئایینییە جیاوازەکانی کۆمەڵگەی عێراق کە لە کۆمەڵگەکانی دیکە جیایان دەکاتەوە. ئەم سەردانە لە رێگەی هاوکاریکردن لەگەڵ مامۆستا ئەركان خێكانی کە لەگەڵ شاندەکە بوو، ئەنجامدرا و لەلایەن مامۆستا حەیدەر ئاسفور، سەرۆکی نوێنەرایەتی زەردەشتی لە عێراق جگە لە هەرێمی کوردستان، پێشوازییان لێکرا و بۆیان رونی کردەوە کە ئەم ئاینە چییە و چالاکییەکانی ئەو نوێنەرایەتییە چین لە بەغدا بۆ هەموو چینەکانی کۆمەڵگە.